პოსტი შოკოლადზე #1

რაც ამ ბლოგზე გადმოვბარგდი, შოკოლადი არ მიხსენებია, არადა უნამუსობაა “შოკოლადის ნათის” წინაშე, რომელიც სულ შოკოლადზე ფიქრობს და ოცნებობს და ჭამს და ნეტარებაშია და უყვარს და უფრო ძალიან უყვარს.

ჩემს “შოკოლადის უჯრაში” მოიმატა ქაღალდების რაოდენობამ, ცოტახანში, ალბათ, მეორე უჯრაზე გადავალ:

<9

ორი დღის წინ  ჩემი მეგობარი ჩამოვიდა ბელგიიდან ანუ იქიდან სადაც ძალიან ბევრი შოკოლადი და ლუდია. მე ორივე მიყვარს, მაგრამ ჩემს ცხოვრებაში შოკოლადზე წინ არავინ, არაფერი და არასდროს დგას, ამიტომ ლუდი არც კი მითხოვია, აზრადაც არ გამივლია, რომ შოკოლადსა და კიდევ რამეს შორის არჩევანის გაკეთება შეიძლება იმიტომ, რომ შოკოლადის გვერდზე არასდროს, გესმით?! არასდროს არაფერი არსებობს!

ჰოდა ამ ჩემმა ზემოთ ხსენებულმა ძალიან კარგმა ადამიანმა ჩამომიტანა შოკოლადი. წამოსვლის წინ მომწერა, რძიანი ვიყიდე, მაგრამ მე მგონი ძალიან თეთრიაო. მეც ლორდ ჰენრივით გავიფიქრე “ჰმ. თეთრი ხომ შოკოლადი არაა”?! მაგრამ მაგას რა მნიშვნელობა ჰქონდა, როცა ბოლოს და ბოლოს ვიხილავდი ამ ადამიანს და თან დავაგემოვნებდი ბელგიურ შოკოლადს, თან  ქაღალდები მაინც შეემატებოდა ჩემს უჯრას.

ვზივართ მე, ჩემი მეგობარი და ჩემი ჩამოსული მეგობარი და ვლაპარაკობთ ცხოვრების ამაოებაზე, ამქვეყნიურ სიამეებსა და ქვეყნის ეკონომიკურ მდგომარეობაზე (აი, ბოლოზე ძალიან ვლაპარაკობთ), ჰოდა უცებ გვახსენდება, რომ შოკოლადი (არა, ნუ მე არ დამვიწყებია, მაგრამ მაინც უხერხული იყო) და ჩემი მეგობარი არბის თავის ოთახში ჩემი შოკოლადის ჩამოსატანად და ჩამოაქვს უზარმაზარი პარკი და მეუბნება, რომ ეს მე.

პირველს ვხედავ ამ შესახვევს, ეგრევე ვხსნი და

:ორგაზმის ხმები ყველაზე ბინძური პორნოდან:

რას მიქვია თეთრი ან ძალიან თეთრი?! ძალიან გემრიელია, იმდენად გემრიელი, რომ მეგობარმა შემომბედა კიდევაც, ერთი მეც მომეციო და რადგან ჩემმა შოკოლადის ჭამისგან გამოწვეულმა ხმებმა მას ერექცია მიჰგვარა, მე მას შოკოლადი მივგვარე.

სპილო ftw

ლიპტონის ჩაის კოლოფს მივამსგავსე და ძალიან გამიკვირდა, ზოგადად არამხოლოდ შოკოლადზე, არამედ ქაღალდებზე და შესაფუთებზეც ვჭედავ მე მგონი

სუპერ-დუპერ-პუპერ

მართლა ძალიან უცნაური შესაფუთია, ნუ შეიძლება არაა, მაგრამ ჩემთვის მაინც უცნაურია და ძალიან მომწონს

სპიი-ლო

(ხელისა და ფეხისათვის მაპატიეთ)

შოკოლადი აღმოჩნდა შავი, მაგრამ იმდენად გემრიელი, რომ უკმაყოფილო ვერ დავრჩი.

მართლა ძალიან გემრიელია ყველაფერი და მე მართლა ძალიან ბედნიერი ვარ შოკოლადის ყველაფრით და ცხოვრება ძალიან ლამაზია შოკოლადის ყველაფრით.

Tags: ბელგია, თეთრი შოკოლადი, ლორდ ჰენრი, ლუდი, ორგაზმი, რძიანი შოკოლადი, შავი შოკოლადი, შოკოლადი